Agjërimi që, për arsye të vlefshme, nuk është mund të mbahet në muajin Ramazan ose që është prishur pasi ka filluar, duhet të kompensohet, të bëhet kaza. Në Kur'an thuhet: “E kush prej jush është i sëmurë ose në udhëtim, le t’i agjërojë (ato ditë) më vonë, aq sa ka lënë.” (el-Bekara, 2:184).
Nuk ka ndonjë dëshmi që kërkon që agjërimet kaza të mbahen patjetër njëra pas tjetrës. Megjithatë, është e përshtatshme që ato të plotësohen sa më shpejt dhe pa vonesë, sepse ky është një detyrim ndaj Allahut. Njeriu nuk e di se kur do t’i vijë vdekja.
Kompensimi (kaza) i agjërimit të Ramazanit mund të bëhet në çdo kohë, përveç ditëve në të cilat agjërimi është i ndaluar. Muhammedi s.a.v.s. ka njoftuar se në dy kohë nuk lejohet agjërimi: në ditën e parë të Bajramit të Ramazanit dhe në ditët e Bajramit të Kurbanit (Buhariu, Saum, 66-67).
Burimi: Diyanet İşleri Başkanlığı, “Oruç - Sıkça sorulanlar”
Nga turqishtja: Rehan Neziri
0 Comments