Gratë gjatë periudhës së menstruacioneve nuk falin namaz dhe nuk agjërojnë. Pas pastrimit, namazet e lëna nuk i bëjnë kaza, ndërsa agjërimet i kompensojnë (Buhariu, Hajd, 20; Muslimi, Hajd, 69; Eba Davudi, Taharah, 106; Tirmidhiu, Taharah, 97).
Numri i ditëve të menstruacioneve nuk është i njëjtë për çdo grua. Sipas medh’hebit hanefi, kohëzgjatja minimale është tre ditë, ndërsa maksimalja dhjetë ditë.
Kohëzgjatja përcaktohet sipas përvojës së mëparshme të gruas.
Në rastet e gjakderdhjeve të çrregullta, gjakderdhja që zgjat nga tre (3) deri në dhjetë (10) ditë konsiderohet menstruacion; gjatë këtyre ditëve agjërimi lihet dhe më pas bëhet kaza. Pas plotësimit të dhjetë ditëve, merret gusël dhe fillohet namazi dhe agjërimi.
Periudha e pastërtisë ndërmjet dy menstruacioneve nuk mund të jetë më pak se pesëmbëdhjetë (15) ditë.
Burimi: Diyanet İşleri Başkanlığı, “Oruç - Sıkça sorulanlar”
Nga turqishtja: Rehan Neziri
0 Comments